elek

Elemek üçin halka gözenek çekdirilen esbap.

∙ Dagyň depesinde irigöz elekden ýumşak un elenýän ýaly bolup, ownuk gar sepelenip başlady. («Sowet edebiýaty» žurnaly)

∙ Çagajyklar heşerlenişip galanlarynda, möjek guýrugy elek ýaly bir toklyny idirdedip gelipdir. (B. Kerbabaýew, Jonnuk Batyr)

∙ Ondan soň hatar arasyny 12-15 santimetr çuňlukda ýumşadyp, elekden geçen ders bilen basyrdyk. («Mugallymlar» Gazýeti)

∙ Ol kiçijik elegi maňa ber! (M. Ibrahimow, Ol gün geler)

Ýazuw düzgüni: Soňuna çekimli ses bilen başlanýan goşulmalar ýa-da -räk goşulmasy goşulanda, k sesi g sesine öwrülýär.

Meselem elek - elegi.

◊ elekden geçirmek — Her bir tarapdan barlap görmek, barlamak.

∙ Nagyşlandyr ak kagyzyň ýüzüni, Geçirip elekden her bir sözüni. («Sowet edebiýaty» žurnaly)

∙ Artyk olaryň baryny akyl eleginden durlap geçirip bilmedi. (B. Kerbabaýew, Aýgytly ädim)

∙ Men şu ýerde aýtjak sözlerimi ençeme gezek elekden geçirdim. («Tokmak» žurnaly)